шоколадты "мини торттар"

басқа сөзбен айтқанда «пирожное», бірақ негізгі атауын жасырмай айтар болсам бұл – шоколад маффиндері. Құрамын маффинге бастан-ақ ұқсата алмаған едім, ал піскен кезде дәмін көргенімде маффиннан гөрі тортқа ұқсаттым. Рецептте 1-ақ ас қасық ұн қолданылатыны тағы бір ғажап ерекшелігі.

– 1 ас қасық ұн
– 1 ш.қ. разрыхлитель
– 3 жұмыртқа
– 10 ш.қ қант
– 80 гр қара шоколад
– 2 шабдалы
– 0,5 ш.қ. ванилин
– тұз

Шоколадты буға ерітіңіз. Ұн мен разрыхлитель араластырыңыз. Жұмыртқалардың ақ пен сарысын бөліңіз. Ақтарын таңазатқышқа қойып қойыңыз, сарыларын болса қант пен ванилинмен кем дегенде 10 минут миксерлеңіз. Еріген шоколад пен майдалап тұралған шабдалы қосыңыз. Бәрін араластырыңыз. Ұн мен разрыхлитель қосыңыз. Бөлек ыдыста жұмыртқа ақтарына аз ғана тұз қосып жақсылап миксерлеңіз. Енді осы қоспаны негізгі шоколадты қоспаға жәймен ғана қосыңыз да қасықпен қамырда астынан үстіне етіп араластырыңыз. Маффин ыдысын жақсылап майлап алып, аздап ұн себелеңіз да қамырды сәл толтырмай етіп құйыңыз. 180С духовкада 40 минуттай пісіріңіз. Дайын «мини торттар» әбден суыған соң ғана ыдысынан шығарыңыз.