брокколи мен ірімшік толтырылған тәтті картоп

Тітті картопты алғаш рет Қытайда жеп көргенмін. Бір ресторандарында түскі асқа құр картоптың өзін пісіріп жегізді бізге. Ол кезде аса қатты ұнамаған еді. Түсі де құңарлы сары еместі, ашықтау түсте болатын. Сосын Кореяға барғанымда да көп кездестірдім бұл картопты. Уақыт өте бұл картоптың түрі де ұнай бастады маған (негізі маған ұнамайтын тамақ өте аз хихихи). Өткенде қыздармен сушиға керек заттарды аламыз деп қытай дүкеніне барғанымызда тәтті картопты көргенімде қолым өзінен өзі оған қарай созылды )) Содан бұл тәтті картоппен не пісіретінімді көпке дейін білмей жүрдім. Дұрысы білмедім емес, таңдай алмай жүрдім ) Құр өзін пісіріп та жегім келді, салат жасап та көргім келді, күрделі бір нәрсе жасап та көргім келді. Ақыры төмендегідей етіп пісірдім. Өте қарапайым да емес, өте күрделі де емес рецепт болды. Әсіресе ыстықтай жеген өте дәмді!

тәтті картоп

  • орташа үлкендіктегі тәтті картоптар
  • үгітілген ірімшік
  • брокколи
  • сарымсақ
  • тұз

Мөлшерлерді жазбай беріп тұрмын өйткені қанша картоппен жасайтыныңызға, олардың үлкендігіне байланысты қалған заттардың мөлшері. Негізі талғамыңызға қарай ғой, ірімшікті көбірек ұнататындар ірімшікті көбірек қосар, брокколиді ұнататындар – брокколиді. Тәтті картопты Алматының қытай немесе корей дүкендерінен табуға болады.

2013-02-22 15.01.58Алдыменен картоптарды бірнеше жерден шаңышқымен тесіп, духовкада 40 минуттай пісіріп алыңыздар. Осы уақытта сарымсақтарды майдалап турап, майға қуырып алыңыз да, жуылып майда гүлдерге ажыратылған брокколиді қосып табаның үстін жауып 10 минуттай пісіріріңіз. Табаның асты қатты болмаса жақсы. Тұздағыздар. Картоп дайынболған кезде, яғни жұмсаған кезде духовкадан шығарып ұзынынан пышақпен кесіп, ортасын қасықпен ішке қарай езіңіз. Мен ішінен кішкене алып тастап жасадым (одан тағы бірдеңе пісірейін деп. пакора пісірсем бе екен?). Енді осы тесікке қоспамызды салу керек. Ол үшін брокколиді ірімшікпен араластырыңыз да тығыздап картоптың ішін толтырыңыз. Картопты қайтадан духовкаға қойып, ірімшік ерігенге дейін пісіріңіз. Ыстықтай жеңіздер.

Бұл жазбаның орналастырылған санаттары: Көкөніс тағамдары және кілтсөздері: , , . Бетбелгі жасау үшін тұрақты сілтеме.

3 Responses to брокколи мен ірімшік толтырылған тәтті картоп

  1. damdi айтады:

    men tatti kartopty alyp koyip, 2-3 kundey komnatnaya temperaturada ustaymyn, sonda tattirek bola tusedi. men ote simple jasaymyn, tabaga tizip, ustine tuz+burysh+olive oil koyip, duhovkada pisiremin, jasap kor. balyktyn kasyna garnir retinde super.

  2. damdi айтады:

    ia, tabaga turap tizip koyamyn. sosyn pisken kezde, betin ashyp, 5-6 min kyzdyryp alamyn.

Пікір қалдыру

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Өзгерту )

Google photo

You are commenting using your Google account. Log Out /  Өзгерту )

Twitter picture

You are commenting using your Twitter account. Log Out /  Өзгерту )

Facebook photo

You are commenting using your Facebook account. Log Out /  Өзгерту )

Connecting to %s